Translation tool beta version. Translation quality may be not a good
| საზოგადოება: ტაილანდის ათასობით მოქალაქე წყალდიდობის გამო თვითმკვლელობის ზღვარზე იმყოფება |  | World News | |
 ტაილანდის მოქალაქეები, რომლებმაც დამანაგრეველი წყალდიბობისა და დიდი წყლის მოსვლის გამო მთელი დაგროვილი ქონება დაკარგეს, თვითმკვლელობის ზღვარზე იმყოფებიან, იუწყება “GHN“. „დღეისათვის სუიციდების რისკის ჯგუფში ათასობით ადამიანი იმყოფება, რომელთა ცხოვრების ჩვეული ყაიდა წყალდიდობამ მთლიანად გაანადგურა“, - განუცხადა გამოცემა The Nation-ს საგანგებო მიგრაციული ცენტრის დირექტორმა პჰანუ იემსრიმ, გადმოსცემს „როსბალტი“. მან განმარტა, რომ ტაილანდის ჯანდაცვის სამინისტრომ 114 ათას 815 ადამიანის ფსიქიკური მდგომარეობა შეამოწმა, რომელთაგან 7 ათას 308-ს დეპრესიული მდგომარეობა გამოუვლინდა, 6 ათას 170-მა აღიარა, რომ ჯერაც ძლიერ სტრესს განიცდის.შეგახსენებთ, რომ 50 წლის განმავლობაში ყველაზე ძლიერი სეზონური წყალდიდობის დროს ტაილანდის დედაქალაქში სტიქიის გამო 494 893 ადამიანი დაშავდა თორმეტ ნაწილობრივ დატბორილ ქალაქის რაიონში. ამის შესახებ ბანგკოკის მერიაში იტყობინებიან. ოქტომბრის ბოლოდან, როდესაც მეგაპოლისის ჩრდილოეთ განაპირებზე დაგროვილმა წყალმა ქალაქში შეღწევა და დაბლა განლაგებული ქალაქის რაიონების დატბორვა დაიწყო, ქალაქის 50 რაიონიდან 12 მთლიანად ან ნაწილობრივ აღმოჩნდა დატბორილი 20 სმ-დან 2 მ-მდე სიღრმეზე. ბანგკოკის მოსახლეობა, დედაქალაქში დროებით მცხოვრები ტაის მოქალაქეებისა და უცხოელების ჩათვლით, 12 მლნ ადამიანს შეადგენს. ექსპერტთა თქმით, ცენტრალურ ბანგკოკს წყალდიდობა არ ემუქრება იმ შემთხვევაში, თუ ადგილი არ ექნება მსხვილ ავარიას წყლის ამოტუმბვის სისტემაში არხიდან ჩაოპრაიას მდინარეში. ქალაქის ჩრდილოეთ რაიონებში წყლის დონე ურყევად მცირდება. ამავე დროს, წყლის დონე იზრდება ჩაოპრაიას მდინარის მარჯვენა სანაპიროზე განლაგებულ ბანგკოკის დასავლეთ რაიონებში, რომლებშიც წყალდიდობამ შეაღწია. საქმე ისაა, რომ მანდ წყალი კვლავ ჩაედინება ჩრდილოეთ განაპირა მხარეებისა და გარეუბნებიდან: ქალაქის დასავლეთის რაიონები ბარში მდებარეობს. ივლისიდან წყალდიდობისაგან, რომელიც შეეხო ქვეყნის ტერიტორიას ჩრდილოეთიდან სამხრეთამდე, ტაილანდის 77 პროვინციიდან 26 დაშავდა. წყალდიდობის მსხვერპლთა საერთო რაოდენობამ 500 ადამიანს გადააჭარბა. მთავრობის მიერ წინასწარი შეფასებებით, ტაილანდის ეკონომიკისთვის მიყენებული ზარალი 10 მლრდ დოლარს, ხოლო დამოუკიდებელ ექსპერტთა მიერ შეფასების მიხედვით - 16 მლრდ დოლარს უდრის. Source - GHN
Share to:https://www.aspurcela.ge/asp-News_-_file_-_article_-_sid_-_3900.html
| |||
| Posted by Drakula | 14 Nov 2011, 21:34 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.18 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.