Translation tool beta version. Translation quality may be not a good
| პოლიტიკა: კუკავა: „სარკოზი ქართველი ხალხის პროტესტზე თვალებს არ დახუჭავს“ |  | Georgian News | |
 პოლიტიკური მოძრაობა „თავისუფალი საქართველო“ სამოქალაქო საზოგადოების პროტესტს მხარს უჭერს და აცხადებს, რომ 7 ოქტომბერს სამოქალაქო საზოგადოების მიერ დაგეგმილ აქციას რიგითი მოქალაქეების სახით შემოუერთდება. როგორც გუშინ, 4 ოქტომბერს, პარტიის ლიდერმა კახა კუკავამ განაცხადა, მსოფლიოში არ უნდა არსებობდეს ორმაგი სტანდარტები - რათა ლიბიაში დემოკრატიას უჭერდნენ მხარს, ხოლო საქართველოში - ავტორიტარიზმს.მისი თქმით, ბუშისა და ბაიდენის ვიზიტებისაგან განსხვავებით, ეს ის შემთხვევაა, როდესაც საქართველოში ნამდვილად დემოკრატიული ქვეყნის პრეზიდენტი ჩამოდის. მისი ვიზიტი უნიკალური შანსია, რომელიც ოპოზიციამ და საზოგადოებამ ადეკვატურად უნდა გამოიყენონ. „თუ ლიბიის კადაფი მსოფლიო საზოგადოების მხრიდან სანქციების საგანი გახდა, საქართველოს კადაფი არ შეიძლება იყოს სხვა ურთიერთობის საგანი. საფრანგეთი მსოფლიო დემოკრატიის ბურჯია, რომელიც სხვა ზოგიერთი სახელმწიფოსაგან განსხვავებით ორმაგი სტანდარტების პოლიტიკას არ ატარებს და დარწმუნებული ვარ, თუ ქართველი ხალხი ფრანგ ხელისუფლებებს თავის მკაფიო და ნათლად გამოხატულ მიზანს უჩვენებს, ფრანგი ხელისუფლებები სათანადო რეაგირებას მოახდენენ“, - განაცხადა კუკავამ და დაამატა, რომ პრეზიდენტი სარკოზი ნამდვილად არ არის ის ადამიანი, რომელიც ქართველი ხალხის პროტესტზე თვალებს დახუჭავს, ე. წ. მეგობრული ქვეყნების სხვა ლიდერებისაგან განსხვავებით. კუკავას თქმით, რამდენადაც ეს სამოქალაქო საზოგადოების პროტესტია, პარტია საორგანიზაციო საკითხებში არ ჩაერევა, მაგრამ პარტიის წარმომადგენლები ამ კრებაზე აუცილებლად მოვლენ. შეგახსენებთ, რომ 7 ოქტომბერს საქართველოში საფრანგეთის პრეზიდენტის ჩამოსვლასა და თავისუფლების მოედანზე მის გამოსვლასთან დაკავშირებით სამოქალაქო საზოგადოება გეგმავს აქციის ჩატარებას მოწოდებით „გავხადოთ 7 ოქტომბერი საყოველთაო პროტესტის დღედ!“. აქციის შესახებ ინფორმაცია სოციალურ ქსელ Facebook-ის საშუალებით ვრცელდება. Source - Грузия Online
Share to:https://www.aspurcela.ge/asp-News_-_file_-_article_-_sid_-_3568.html
| |||
| Posted by Drakula | 05 Oct 2011, 18:47 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.07 Seconds | Memory Usage: 4.74 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.