Translation tool beta version. Translation quality may be not a good
| პოლიტიკა: -ხიდაშელი: ელექტრომობილების პროექტი ჩავარდა ისევე, როგორც სააკაშვილის მრავალი პროექტი |  | Georgian News | |
 თბილისის საკრებულოს წევრი რესპუბლიკური პარტიიდან თინა ხიდაშელი პრეზიდენტის პრეს-სპიკერის მანანა მანჯგალაძისაგან ელექტრომობილების „რევოლუციური პროექტის“ ჩავარდნის თაობაზე დეტალურ ახსნას მოითხოვს. როგორც თინა ხიდაშელმა განაცხადა, ბოლო ბრიფინგზე მანჯგალაძემ თქვა, რომ ქვეყანაში რამდენიმე ათასი ელექტრომობილის შემოტანის თაობაზე გადაწყვეტილება მთავრობას ჯერ არ მიუღია. საკრებულოს დეპუტატს მიაჩნია, რომ ამის თაობაზე პრეს-სპიკერის კომენტარი საზოგადოებრიობისათვის აშკარად არასაკმარისია.„გასული წლის ბოლოს მექსიკაში საქართველოს პრეზიდენტმა ეკონომიკის მინისტრთან ვერა ქობალიასთან ერთად მთელ საქართველოს ამცნო, რომ მისმა მთავრობამ რევოლუციური გადაწყვეტილება მიიღო. არსებობდა სამთავრობო ავტოპარკის ელექტრომობილებით შეცვლის, ავტობანებზე სპეციალური ბენზინგასამართი სადგურების შექმნის და ა. შ. კონკრეტული გეგმა. ვერა ქობალიამ 2011 წლის თებერვალშიც განახორციელა რამდენიმე ვიზიტი და თქვა, რომ „რენო-ნისანთან“ შეთანხმება იქნა მიღწეული და ელექტრომობილთა პირველი პარტია წლის ბოლომდე შემოვა. ჩვენ მოვითხოვთ, რომ პრეს-სპიკერმა მანანა მანჯგალაძემ საზოგადოებრიობას სრული ინფორმაცია მიაწოდოს, რა მიზეზით ჩავარდა ეს „რევოლუციური პროექტი“, როგორი ხასიათის შეთანხმება გააფორმდა კომპანიებთან და რამდენი დაუჯდა ბიუჯეტს ვიზიტები ამ მიზნით. მხოლოდ მოკლე წინადადება - „გადაწყვეტილება არ მიღებულა“ - არ შეესაბამება სინამდვილეს და ამჟამინდელი საინფორმაციო სივრცის პირობებში ამის დამტკიცება სირთულეს არ წარმოადგენს“, - თქვა თინა ხიდაშელმა. მისი თქმით, დღეს უკვე ნათელია, რომ ეს გეგმა, ისევე როგორც პრეზიდენტ სააკაშვილის მიერ გამოცხადებული მრავალი პროექტი, ჩავარდა. Source - bizzone
Share to:https://www.aspurcela.ge/asp-News_-_file_-_article_-_sid_-_3504.html
| |||
| Posted by Drakula | 30 Sep 2011, 18:47 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 1  |
|
 |
|
 |
[ Page Generation: 0.15 Seconds | Memory Usage: 5.08 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.