Translation tool beta version. Translation quality may be not a good
| მეცნიერება-ტექნოლოგიები: მეცნიერებმა ადამიანების გენომებში დიდი ცვლილებები აღმოაჩინეს |  | World News | |
 მეცნიერებმა პირველად აღმოაჩინეს მსხვილმასშტაბური განსხვავებები ადამიანების გენომებში - თავიანთ ნაშრომში მკვლევარებმა ყურადღება გაამახვილეს არა წერტილოვან ვარიაციებზე (მუტაციებს), არამედ დიდ სტრუქტურულ ცვლილებებზე.სპეციალისტთა ნაშრომი გამოქვეყნებულია ჟურნალ Nature Biotechnology-ში, ხოლო მის მოკლე მიმოხილვას გვთავაზობს Wired. დნმ-ის თანამიმდევრულობის გაშიფვრის სტანდარტული მეთოდები შემდეგნაირად მუშაობს: გენომის გრძელი ფრაგმენტი უფრო პატარა ფრაგმენტებად იჭრება, შემდეგ კი ამ ფრაგმენტების შემადგენელი „ასოების“ თანამიმდევრულობა დგინდება. შემდეგ გაშიფრული ფრაგმენტებიდან მეცნიერები „აწყობენ“ საწყის თანამიმდევრობას - ცალკეული პატარა ნატეხები ერთმანეთს უერთდება. ასეთი მიდგომისას მარტივია მუტაციების აღმოჩენა სხვადასხვა ადამიანების გენომებში არსებულ ცალკეულ „ასოებში“, მაგრამ ძალიან რთულია უფრო მსხვილი განსხვავებების, მაგალითად, დნმ-ის გრძელი ფრაგმენტების გაორმაგების აღმოჩენა. ახალი ნაშრომის ავტორებმა კონცენტრაცია სწორედ ასეთ მასშტაბურ ცვლილებებზე მოახდინეს. მათ შეიმუშავეს მიდგომა, რომელიც საშუალებას იძლევა, მცირე ფრაგმენტებისაგან აწყობილ იქნას მთლიანი გენომები პრაქტიკულად უცვლელი სახით, ანუ ყველა „ასოს“ თანამიმდევრობის სრული შენარჩუნებით, მათ შორის მცირე ფრაგმენტების „პირაპირის“ ადგილებშიც. მეცნიერებმა ერთმანეთს შეუდარეს 106 ადამიანის დნმ, რომელიც პროექტ „1000 გენომის“ ფარგლებში გაიშიფრა. მისი მიზანი იყო ადამიანთა დნმ-ბში ყველაზე ხშირად შემხვედრი ვარიაციების აღმოჩენა. ასეთი ვარიაციები ხშირად უკავშირდება ამა თუ იმ დაავადების განვითარებას. ავტორებს ჯერ არ ჩაუტარებიათ გამოკვლევები ადამიანთა გენომებში მსხვილმასშტაბურ ვარიაციებსა და ამა თუ იმ დაავადებებს შორის შესაძლო კავშირის გამოვლენასთან დაკავშირებით. თუმცა ამჟამად მრავალი ექსპერტი ემხრობა იმას, რომ ამგვარი ვარიაციები შესაძლოა ე. წ. ფარულ მემკვიდრეობით ნიშნებს ატარებდეს. Source - day.az
Share to:https://www.aspurcela.ge/asp-News_-_file_-_article_-_sid_-_3030.html
| |||
| Posted by Drakula | 02 Aug 2011, 11:28 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.16 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.