ეგვიპტური კომპანია „ფრეში“, რომელიც ქუთაისის ინდუსტრიული ზონის ოპერატორს წარმოადგენს, თავის საინვესტიციო ვალდებულებებს 2012 წლის ბოლომდე შეასრულებს. ამის შესახებ ეგვიპტური კომპანიის პარტნიორის Georgian International Holding-ის ხელმძღვანელი იტყობინება.

მიხეილ თიგიშვილის სიტყვებით, უახლოეს მომავალში ქუთაისში ორი ახალი საწარმო დაიწყებს მუშაობას. დაგეგმილი ეტაპები წარმატებით გადის და 2012 წლის ბოლომდე ინდუსტრიულ ზონაში მლრდ დოლარის ოდენობის ინვესტიცია განხორციელდება.

არსებული ვალდებულებების მიხედვით 2012 წლის ბოლომდე ქუთაისის თავისუფალ ინდუსტრიულ ზონაში უნდა მუშაობდეს 12 საწარმო და დასაქმებული უნდა იყოს 10 ათასზე მეტი ადამიანი.