როგორც ეკონიმიკისა და მდგრადი განვითარების მინისტრმა ვერა ქობალიამ აღნიშნა, დღეს გაფორმებული შეთანხმება ავიაგადამზიდავებს საშუალებას აძლევს, საკუთარი შეხედულებით განსაზღვრონ მომსახურების ტარიფები, ავიაკომპანიებს კი შიდა რეისების განხორციელების უფლებაც მიენიჭებათ.
 

“ამ ხელშეკრულების შედეგად კონკურენცია გაიზრდება და ახალი ტარიფები დადგინდება. ორი ქვეყანა ერთმანეთს აძლევს კაბოტაჟის შესაძლებლობას, რაც შიდა გადაზიდვების განხორციელების უფლებას ნიშნავს. ამასთან ეს ხელს შეუწყობს საქართველოში ჩამომსვლელი ტურისტების რაოდენობის გაზრდას”, აცხადებს ქობალია.