2011 წლის თბილისის ბიუჯეტში მოსახლეობის სოციალურად დაუცველი კატეგორიისათვის ყველა შეღავათია შენარჩუნებული. ამის შესახებ თბილისის მერმა გიგი უგულავამ თბილისის საკრებულოს ფრაქცია „ჩვენს თბილისთან“ შეხვედრის შემდეგ განაცხადა.

მერის თქმით მოსახლეობის სოციალურად დაუცველი კატეგორიისათვის კომუნალურ გადასახადებზე შეღავათებთან დაკავშირებით არანაირი ცვლილებაა ნავარაუდევი.

„მიუხედავად იმისა, მხარს დაუჭერს თუ არა ფრაქცია ბიუჯეტს, მისი განხილვა ძალზედ საინტერესო იყო. ჩვენთვის მნიშვნელოვანია ოპოზიციის შეხედულების ცოდნა“, - განაცხადა უგულავამ.

ხვალ მერი ბიუჯეტის პროექტთან დაკავშირებით საკრებულოს უმრავლესობასთან იმსჯელებს და მეორედ შეხვდება წევრებს ფრაქციიდან „ჩვენი თბილისი“.

თბილისის საკრებულო მომავალი წლის ქალაქის ბიუჯეტის პროექტის განხილვას 19 ნოემბერს შეუდგება.